Tuwang-tuwa si Kendra nang tuluyang makita na bumuka ang maliit na bibig ng anak nang igiya siya ng ina sa dapat niyang gawin. Hindi tuloy niya maiwasang mapaluha. Ganoon pala ang feeling kapag ina ka na rin. Hindi napigilang mapabaling sa asawang tila tuwang-tuwa ring nakatunghay sa kanilang munting prinsesa.
“Ang cute naman ng apo ko,” malambing na wika ng kaniyang Mama.
“Apo natin,” hirit naman ng Papa niya sabay hawak sa magkabilaang balikat ng ina habang nakatunghay sa kanila.
“Buti at nakarating kayo agad, Papa?” baling sa ama.
Napangiti ang ama. “Paano ba naman ay nang malaman ng Mama mo kay Cedric na tinakbo ka nitong si Darius ay nagbihis agad. Kaya nang tawagan namin ulit at nakausap ang asawa mo ay nasa sasakyan na kami at patungo rito,” kuwento ng kaniyang ama.
Napatango
