“Miss Fortejo, ano pong masasabi niyo sa appeal ng akusado?”
“Totoo po bang naging boyfriend niyo siya at hindi maganda ang inyong break up kaya siya sinet up ng daddy niyo?”
“Ano po ang magiging next move ninyo?”
“Kasabwat din daw po ni Mr. Karia ang kanyang asawa at hinahanap pa raw po ito. Sasampahan niyo rin po ba siya ng kaso?”
“Ma’am, just one statement lang po.”
“Totoo po bang ginamit daw po kayo ni Mr. Karia para maghiganti?”
“Ano pong masasabi niyo sa claim ni Joseph na ang tatay raw po ninyo ang nagpakulong sa kanya.” Nasapo na lang ni Zachi ang noo at saka iniyuko ang ulo para hindi makita ng mga reporters. Yakap-yakap siya ni Ivo habang palabas sila ng law firm ng kanyang abogado. Ni hindi niya alam kung paanong nasundan siya ng mga ito rito. Nagpunta lang sana siya par
