"Ano'ng pinagsasabi mo?" blangko kong tanong kay Miro.
Wala akong pagdududa sa kaniya, siguro dahil na rin sa mga nakita kong imahe. Ang gusto ko lang malaman ay kung paano niya nalaman ang lahat ng iyon. Bakit alam niya ang tungkol sa mga magulang ko?
Simula noong bata ako, hindi na talaga malinaw sa akin ang inaakto ng mga magulang ko. Inakala ko nga na rescuer sila. Madalas kasing umaalis sina Mommy at Daddy sa tuwing may pumupuntang tao sa bahay, kapag tinatanong ko naman sila ang palagi lang nilang sagot sa akin ay may tutulungan sila. Wala akong ideya sa katauhan ng nanay ko dahil sa buong panahon na magkakasama kami ay wala silang ipinakitang kakaiba sa akin. Namuhay kami na tulad ng isang tipikal na pamilya.
Napataas ang kilay ko nang marahang maghubad si Miro sa harapan ko. May
