BAGO dumiretso sina Lhorde at Raven sa pinaaayos niyang bahay ay nagpabili muna siya kay Lhorde ng puwede nilang ipasalubong kina Andrea na makakain. Pero sinabi naman ni Lhorde na may nakahandang pagkain sa bahay niya kaya hindi na rin siya nagpilit pa.
Makikita na rin niya ang kinalabasan ng renovation ng bahay na iyon. Excited na siya.
Nauna na si Renzo dahil may dala naman itong sariling sasakyan.
“Excited ka na?” nakangiti pang baling sa kaniya ni Lhorde habang papalapit sila nang papalapit sa naturang bahay na unti-unti ay natatanawan na rin niya.
“Sobra.”
“Magpapa-house blessing din muna tayo bago natin tulugan ‘yong bahay mo kapag gusto mong pumunta tayo rito.”
“Okay lang ba sa iyo na paminsan-minsan ay pumunta tayo rito?”
“Oo naman. Hindi mo naman puwedeng bulukin ang bahay
