Perrie.
“Sorry po, Mama at Papa, kung lagi po akong nagkukulit. Sorry po kung inaagawan ko ng laruan si Kuya Milo. Hindi na po ako magiging pasaway… minsan na lang po. I love you po, Mama at Papa, pati po si Kuya Milo.”
“Lagi na po akong matutulog sa tanghali at hindi na po ako maglalaro ng bulate. Mahal na mahal ko po kayo, Nanay at Tatay.”
“I love you po, Mommy. Lagi na po akong susunod kapag pinapabili mo po ako ng suka at toyo. Mag-aaral po ako ng mabuti at aalagaan ko na po si Niesha.”
“Ako po ‘yong nakabasag ng paso mo, Mama, pero si Lala po ang itinuro ko. Sorry po, Mama at Papa. Kakain na po ako ng gulay at magiging mabait na kuya na po ako.”
Nagbabasa lang naman ako ng activity na pinagawa ko sa mga estudyante ko pero para akong báliw na umiiyak mag-isa rito sa classroom. Pin
