Limang araw na rin ang natapos ni Dianne sa Alessandro SPA. At natutuwa siya na kahit first job niya iyon bilang isang empleyado ay halos nakabisado na niya agad lahat ng trabaho niya.
At salamat kay Beatrice na palaging tumutulong sa kaniya. Pati na rin si Miss Russo. Marami nga ang nagsasabi na parang hindi raw siya baguhan.
Kahit si Massimo ay todo puri sa performance niya. Nagiging madali raw ang first experience nito bilang CEO nang dahil sa kaniya. At kasabay ng papuri na iyon ay ang patuloy na pangungulit nito na pag-aari na raw siya nito kaya bawal na siyang makipag-usap pa sa ibang lalaki.
At dahil ayaw ng gulo ni Dianne kaya sinusunod na lang niya ang gusto nito. Kahit si Riccardo ay tuluyan na rin niyang nilayuan.
Marami na rin siyang kakilala at kabatian sa nasabing kumpan
