Point of view
- Kathleen Vergara –
"Bakit naman kasi pinilit mo pang tumalon? Ayan napilayan ka tuloy," saad ng isang lalaking nakahawak sa aking paa.
Napangiwi ako sa sakit nang maramdaman ang paghawak niya sa aking sakong, 'yung parteng napilayan no'ng tumalon ako sa bakod namin.
College student pa lang kami ni Dave, matindi na ang pagtanggi ng aking magulang sa relasyon namin. Hindi nila gusto si Dave para sa akin dahil ang nais nila ay tumutok ako sa pag-aaral. Si Dave naman, bukod sa pagiging engineer mahilig din siyang umawit, madalas ko siyang samahan sa mga audition niya, pero sadly, hindi na-appreciate ng mga tao ang galing niya sa pagkanta. Ako ang nag-iisa niyang tagahanga.
"Ayan," saad ni Dave nang matapos niyang bendahan ang aking paa. "'Wag ka munang lumakad
