Chapter 35
Nakakunot ang noo ni Lhauren sa sasakyan na mula siguro nang umalis siya ng mansyon ay nakabuntot na sa kanya.
Nag-park din iyon sa ospital kaya natilihan siya.
Dinampot niya ang kanyang radyo, “Kuya Anton, that red car followed us from the mansion down here.”
“’Wag ka munang bababa. Aabangan ko,” anito kaya naman sumunod siya sa utos.
Nakita niyang nagbunot ng baril si Anton nang bumaba ng sasakyan. Mas lalo siyang kinabahan dahil himdipa rin bumaba ang nasa kotse na pula, pero kapagkuwan ay may babae roon na lumabas.
Dire-diretso iyon papasok sa ospital at mukhang may pasyente lang sa loob.
God. Kinabahan lang siya para sa wala. Itinago rin ni Anton ang baril at saka siya ipinagbukas ng pinto.
“Mukhang dito talaga ang punta,” anito kaya natatawa siya.
“Yeah,”
