"Sir, bakit po kayo pumasok ngayon? 'Di ba po namatay si Senior Eulo? Dapat po ay nasa tabi kayo ni Ma'am." Sinipat ko ang secretary ko na naglapag ng kape sa table ko.
"Paano mo nalaman?" tanong ko rito. Tiyak na bago pa makalabas ang mga tao na dumalo ng party ay nabilinan na ang mga ito na walang pwedeng magkalat ng tungkol sa nangyari kay Senior Eulo.
"Naku! Hindi po kayang kontrolin ng pera ang tsismis. Totoo po bang tumalon iyon matanda? Katulad po kay Sir Manny?" curious na tanong nito sa akin.
"Kanino mo ba nalaman?"
"Narinig ko lang po. Lahat ng mga tao lalo na sa baba ay iyan ang topic. Kinakabahan nga ako baka magawi si Seniora Hilda roon at mahuli sila."
"Tsk. Hayaan mo sila. Basta ikaw... itikom mo iyang bibig mo."
"Opo, pero bakit nga po kayo nag-work today? Kapamily
