"Alejandro, bakit pati si Rhoda ay kasama?" tanong ni Uncle Melchor sa akin nang sunduin ko ang mga ito. Mariin naming binilinan si Jolo na hindi muna dapat ipaalam sa ama nila ang tungkol sa pagbabalik ni Lucille. Nagpapalakas pa si Luci kaya naman ni-request nitong kahit isang linggo na pahinga. Kaya ngayon, nagpahanda si Daddy Lo ng lunch para roon magsalo-salo ang lahat.
"Request po ni Daddy Lo." Magalang na sagot ko rito. Kanina pa nakasakay sa passenger seat si Jolo, halatang excited. Noong nagtungo s'ya sa bahay ay ayaw pa nga sana n'yang umuwi dahil gusto pa raw n'yang makasama ang mga pamangkin ngunit para hindi makahalata ang magulang nila ay kinumbinsi namin itong bumalik na lang sa susunod. Ito na nga iyon.
"Gagala kami! Sasakay kami ng car." Masayang ani ni Rhoda.
"Pupun
