Dalawang araw na buhat nang dumating sina Alyana at Jake sa Pilipinas. At simula nang magbalik sila ay pinilit ni Niccolo na hindi niya muli na makaharap ang dalawa.
Mahigit isang taon na simula nang magkahiwalay sila ni Alyana at piliin ng babae na umalis ng bansa. Mahigit isang taon na nang malaman niya ang buong katotohanan sa mga nangyari sa pagitan nina Alyana at Krishna. At sa loob ng mahigit isang taon na iyon ay hindi nagawa ni Niccolo na kalimutan si Alyana. Pinilit niya, pero nanatili ang babae sa puso niya.
Bago namaalam ang lolo niya sa kanya ay ibinilin nito na hanapin ni Niccolo ang babae na kukumpleto sa buhay niya. At masaya si Niccolo nang mabalitaan na pumayag si Alyana na muli na umuwi sa bansa bilang pagsunod sa kagustuhan ng lolo nito.
Walang nakakaalam ng araw na
