ISANG linggo ang nakakaraan mula nang magising si Shine at hindi siya nito makilala. Ang sabi ng doctor ay may temporary amnesia raw rito. Pero bakit ganoon, siya lang yata ang hindi nito maalala. Nakikilala naman nito ang lahat maliban sa kanya. Hindi tuloy niya alam kung sinasadya ba nito iyon o sadyang nakalimutan lamang siya nito dahil kay Henry.
Pagkalabas ni Shine sa hospital noong isang araw ay hindi pa siya nito kinausap. Hindi siya nito gustong kausapin. Panay ang pag-iyak nito habang hawak ang isang keychain na bigay ni Henry dito.
Gusto niyang alalayan ito habang nagluluksa ito sa pagkawala ni Henry pero hindi niya magawa dahil nakakaramdam siya ng matinding selos.
Kasalukuyan niyang inaayos ang mga listahan ng bibilhing abono at fertilizer sa manggahan nang lapitan siya ng
