"MAHAL, hindi na ba magbabago ang isip mo?" tanong ko sa kanya.
Isa-isa kong inilagay ang mga gamit namin sa maleta namin ni Sebastian. Bukas na kasi ang flight namin mabalik ng Pilipinas. Dalawang linggo lang siya sa Pilipinas at pagkatapos ay pupunta naman siya sa Korea para sa two months business trip niya. Kami naman ni Sebastian ay mananatili roon habang wala siya. Kapag bumalik siya ay saka lang kami mag-uusap kung saan kami permamenteng maninirahan.
Huminto siya sa pagtutupi ng damit. Siya kasi ang katulong ko sa pag-aayos ng gamit namin.
"Wala ng atrasan 'to, hindi ba't isang linggo na natin itong pinag-usapan?"
Huminga ako ng malalim at pinagpatuloy ko ang pagtutupi. Kung ako tatanungin ay ayoko ng bumalik sa Pilipinas ngunit kailangan kong gawin ito para sa biyenan ko.
"Ayok
