MAY ilang araw na rin simula nang makalabas sa ospital si Mommy Nenita. Kusa na ring nag-resign sa trabaho niya si Erin bago pa siya sesantehin ni Mr. Baldomar. Para kasi sa kaniya, hindi na healthy ang pagtatrabaho roon. Ayaw niyang kainin ng stress ang natitira pa niyang katinuan.
Tuluyan na ring pinaalis ni Erin si Tinay kaya siya na ang nag-aalaga sa ina. At dahil nabawasan na ang income nila kaya nagdesisyon na ang dalaga na patigilin na rin si Analyn sa paninilbihan sa kanila. At siya na ang gumagawa ng lahat ng gawaing-bahay.
At sa loob ng mga araw na lumipas ay tiniis ni Erin na huwag kausapin si Caleb. Pagkatapos niyang siguruhin kay Valentine na okay na ang kalagayan nito, nag-deactivate siya ng kaniyang mga accounts sa social media. Pati na rin ang sim card niya ay tinanggal
