Kabanata 47
HIS POV— PART ONE
Malakas ang pag buhos ng ulan, maging ang mga ingay at sigawan ng tao ay bumibingi sa paligid.
"Mahal!"
"Mahal!"
Boses ng babae ang paulit-ulit kong naririnig. Ngunit malabo sa paningin ko ang imahe ng babaeng tumatawag sa akin. Ramdam kong unti-unting lumulubog ang katawan ko sa tubig hanggang sa hindi na ako makahinga.
Mabilis akong nagmulat. Tagaktak ang pawis sa noo't braso.
"Mahal, ayos ka lang? Nananaginip ka nanaman."
Hinihingal na lumingon ako dito na siyang nakakunot ang noo habang hinahaplos ang likod ko.
Mahal? Ibang boses ang naririnig kong tumatawag non' sa panaginip ko. Mariin akong pumikit hinawakan ang ulong masakit.
"Ikukuha lang kita ng tubig." Tumayo ito at naglakad sa malapit na lamesa para kumuha ng inomin.
Inabot niya sa akin
