Penalty
“Alam niyo masama talaga ang pakiramdam ko sa nakaputing damit na mahaba ang buhok na nakaupo sa gitna ni Luke at Karl.” Wika ni Jason.
Nag-angat ako ng tingin sa kaniya nang matantong ako ang tinutukoy niya. Sumilip ito sakin mula kaniyang mga barahang hawak at kahina-hinala akong tiningnan.
“Binablackmail mo si bossing ano?” Dugtong nito.
Ako naman ay napahagalpak sa tawa. Matapos kumain ay tumungo kami rito sa sala para maglaro ng baraha sa sahig. Nakapalibot kaming pito ng upo habang may kaniya-kaniyang hawak na baraha at nagbubunutan. Wala si Hendrix at Gavin. Halos magkasabay lang silang lumabas kanina at hindi na ako sumunod.
“Una,” Naglapag si Jason ng dalawang barahang may parehong numero, “Inutusan mo siyang i-abot kay Raul Ezekiel Yao, Jr. ang kanin
