The whole premise felt like it has fallen into a deep slumber. Kung hindi ang mahihinang tunog ng mga naglalakad na paa ng mga lalaking nagbabantay sa kabuuan ng resort, ang huni ng mga sasakyan sa kalapit na kalsada naman ang maririnig.
Sa tuwing may umaalingawngaw na tunog ng pagharurot ng isang sasakyan doon, hindi mapigilan ni Vince na mataranta at kabahan. Kung pwede niya lang hilahin ang araw para magpakita na ay ginawa na niya. Bawat oras na paghihintay niya ay nagdadala lamang ng pangamba sa kaniya.
Dahil alam niya… hindi na maghihintay ng bukas o umaga si Hendrix. Babawiin at babawiin nito ang babaeng ninakaw niya. Nanakawin ulit nito mula sa kaniya si Athena.
Nakatakda silang aalis mamayang alas siyete. Kung maaari niya lamang gamitin ang kapangyarihan ng ama upang
