FLYNN'S POV
Pauwi na ako galing concert. Pero hanggang ngayon, nakangiti pa rin ako. Ramdam ko pa rin ang saya. Kahit 'yong hiyawan at tuwa ng mga tao kanina sa Araneta Coliseum dahil sa pagkakita ulit ng magkasama sa pinakamamahal na love team, para ko pa ring naririnig.
"Kung sana, nandito ka lang, mahal ko. Siguro ang saya-saya mo rin. Sayang at kahit isa man lang sa mga concerts nila, wala kang napanood. Ni hindi mo sila nakita ng personal..." malungkot na kausap ko sa sticker na may nakasulat na "Elisha", na nakadikit malapit sa manibela. Isa iyon sa mga nagsisilbing liwanag ko kapag "nalalabuan" na ako sa buhay.
Napasighap ako at mabilis na inalis sa puso ko ang lungkot. Para pa man din itong apoy, ang bilis kumalat. Ayokong lamunin na naman ng lungkot an
