(DAVID)
TAHIMIK akong nakaupo sa gilid ng malaking bintana sa loob ng study room. Nakatanaw ako sa mga ilaw ng hardin at sa swimming pool sa ibaba. Wala akong hawak na libro o anumang dokumento na karaniwang pinagkakaabalahan ko sa tuwing nasa bahay lang. There was just me, the silence, at ang mga tanong na hindi ko alam kung paano sasagutin.
Narinig ko ang maingat na pagbukas ng pinto. Hindi ko na kailangang lumingon para malaman kung sino iyon. Si Mama. She paid a visit this afternoon. Hindi ko naman siya itinataboy pauwi sa bahay niya, pero kanina ay sinabi kong marami akong gagawin kaya iniwan ko na siyang mag-isa sa living room. I know she hadn't left yet. The maid would tell me if she had.
“Son,” tawag niya sa malambing na tinig, at dahil kilala ko na siya, alam kong hindi niya ak
