"Good morning Baby, happy three Months." marahang hinaplos ko ang papaumbok kong t'yan, habang kinakausap ko ito. Tatlong buwan na ngayon, mula nang malaman ko na buntis ako. Noong nakaraang buwan ay lagi nalang akong nahihilo at naduduwal at hindi ako dinatnan ng buwanang dalaw, at may mga napapansin akong sintomas ng isang nag-dadalang tao. Kaya Agad akong bumili ng pregnancy test at hindi ako nag kakamali. Buntis nga ako.
Hindi ko maipaliwanag ang nararamdaman, gayong dinadala ko ang magiging anak namin ni Aki. Natatakot ako ngunit sa kabilang banda ay masaya ako. Hindi ko alam kung sasabihin ko ba sa kanya, o ililihim nalang. Natatakot ako na baka hindi niya matangap o di kaya aapihin kami ng magulang niya. hindi ako makakapayag na saktan nila ang anak ko.
"Leigyana, aalis na ako."
