NAGISING si Shalee sa malakas na hampas ng unan sa kanyang mukha. Hindi niya maiwasang mapasigaw. Nahihilo pa siya at dahil sa pagkaka-hampas sa kanya ay lalong sumakit ang ulo niya. Pupungas pungas siyang bumangon at matalim na tiningnan kung sino ang humampas ng unan sa mukha niya. Muli siyang nahiga at nagtalukbong matapos masino iyon. It was her mom and she's not ready for the morning rants. Malamang sasabihin na naman nitong uuwi na sila sa Spain at ayaw niyang makipagtalo dito ng gano'ng kaaga.
"Mag-usap tayong dalawa, Shalee Elisabeth. Bangon dyan, bilis!" Hinila nito ang kumot na nakatalukbong sa kanya. Nakipaghilahan pa siya dito ngunit ang mama niya pa din ang nanalo. "Pinag-aralan mo ba 'yan sa school? Sinasayang mo ang pagiging c*m laude sa lintek na pag-ibig na 'yan. Mali tal
