DARKNESS
ALAS-DOSE NA NANG GABI nang makauwi si Zenna galing sa birthday party ni Arianne. Hindi siya pinayagan ng dalaga na uuwi nang mas maaga kaya naman inabot na siya ng hatinggabi.
Sinubukan niyang ipaalam kay Matthew sa tawag para di ito mag-alala ngunit unattended ang number nito.
Tinawagan niya si Lilet para tanungin kung nasa bahay na ang binata ngunit hindi pa raw ito umuuwi.
Nag-aalala tuloy siya kung saan na ito at hatinggabi na at di pa umuwi. Tinanong din niya si Reden, baka nakausap nito si Matthew dahil siguradong magre-report ito sa binata dahil ito ang tumatayong bodyguard niya. Ngunit wala rin itong maisagot.
Pumasok siya sa bahay habang idinadayal muli ang numero ni Matthew.
Napasinghap siya nang pagbukas ng pinto ay kadiliman ang sumalubong sa kaniya. Ginapangan
