ISANG MALAKAS NA TADYAK ang tinanggap ni Matthew kay Gunzalo nang makaharap niya ito. Hinataw siya ng tubo at pinagsusuntok. Hindi siya nanlaban. Hindi dapat. Kailangan niyang tiisin nang kaunti hanggang dumating ang rescue nila.
Hindi niya alam kung nasaan sila dahil pagkarating niya sa address na ipinadalang mensahe ni Gunzalo ay may mga tauhan si Gunzalo na kumuha sa kaniya. Hindi niya sigurado kung saan siya dinala ng mga ito dahil piniringan siya. Ngunit dinig niya ang elesi ng helicopter na siyang sinakyan nila.
May tiwala siya kay Rael na matutunton nito ang location nila dahil sa maliit na tracking device na idinikit nito sa kaniyang damit bago sila naghiwalay.
“ You son of a b***h! Sa wakas ay nahulog ka rin sa bitag ko. ” Isa pang malakas na sipa ang ibinigay nito sa kaniyang
