Limang buwan na ang lumipas nang ipanganak ko ang bunso naming anak na si Domic. Sa loob ng limang buwan na iyon at naging busy kaming dalawa at sa pag-aasikaso ng anak namin. Inurong na rin naming ang demanda kay Lawrence kaya magkasama sila ngayon sa iisang bahay ni Irene. Natanggap na rin niya na hindi talaga kami para sa isa't-isa.
"Mommy, dito muna ako sa kuwarto n'yo ni Daddy, " sabi ni Samsam.
Mula nang iuwi namin si Dominic sa bahay ay tuwang-tuwa si Samsam. Madalas na siyang tumatambay sa kuwarto namin para bantayan ang kapatid niya. Gustong-gusto niyang alagaan ang bunso niyang kapatid.
"Sige, bantayan mo muna siya saglit at maliligo lang ako."
"Okay, Mommy."
Kinuha ko ang towel ko saka dumiretso ako sa banyo para maligo. Madalas kong ginagawa ang teknik na ito. Naliligo ako
