"Hijo, hindi ka man lang ba mag-aalmusal bago pumasok sa opisina?" tanong niya Manang Linda.
Napatigil ako sa aktong pagpihit ng seradura sa main door.
"Sa kompanya na lang po Manang," sagot ko nang lingunin s'ya.
"Sayang naman ang pinaluto ko kung wala man lang sa inyong dalawa ni Miel ang gustong kumain," sagot niya.
Naglakad ako pabalik, papunta sa harapan ni Manang Linda.
"Bakit po, umalis din ba si Miel, na hindi kumakain ng almusal?" tanong ko.
Umiling si Manang. "Hindi hijo. Hindi pa s'ya bumabangon dahil hindi daw s'ya papasok. Masama raw ang pakiramdam niya."
"Po? Pakidalahan naman po ng gamot," sabi ko.
Nag-aalala ako sa kanya dahil ako ang dahilan kung bakit masama ang pakiramdam niya. Dapat kasi binilinan ko s'yang uminom palagi ng paracetamol bago ko s'ya iniwan
