"Woah!" sabay-sabay na sigaw naming apat habang nakataas ang mga kamay namin nang mabilis na bumulusok ang kotseng minamaneho ko.
Nakataas kasi ang bubong ng kotse ko kaya kahit tumayo pa sila walang problema.
Palusong kasi ang daan na kalsada na dinaanan namin kaya kahit hindi naman ganun kabilis ang takbo ko, mabilis ang pagbulusok namin pababa.
Pagdating namin sa pantay na daan sabay-sabay rin kaming nagtawanan.
"Ang sarap naman nu'n!" sabi ni Lanie. Siya ang katabi ko rito sa unahan, samantalang nasa likod naman si Greg at Anton. "Sarap ng may bagong-bagong kotse."
Natawa ako. Nang makita kasi n'ya ang kotse ko, hangang-hanga talaga s'ya at inggit na inggit.
"Magpabili ka rin sa parents mo," sagot ko na sumulyap saglit sa kanya bago muling ibinalik sa daan ang tingin.
Papunta
