[Clover]
Bumusina ako nang nasa tapat na ako ng bahay ni Adam. Same subdivision lang naman kami pero bumili na muna ako ng breakfast ni Hannah at saka ng kung ano pang pwedeng kainin namin sa hospital saka ako bumalik sa subdivision.
Hindi naman nagtagal ay nakita ko nang palabas si Hannah pero kasunod nito sa likod si Adam na topless at naka-boxer shorts lang. Bago tuluyang lumabas sa gate si Hannah ay bigla itong kinabig ni Adam at saka hinalikan nito ang kaibigan ko sa labi.
Napamaang ako sa nakita ko. More or less alam ko na kung anong meron. Pero gusto kong mismo kay Hannah manggaling ang kuwento.
Parang nagulat pa sila nang makita nila ang kotse ko na nakaparada sa harap ng gate. Nagkatinginan pa sila sandali. Tapos ay marahang tinulak ni Adam si
