"Miss, may dinala bang Eric Rivera dito?" kabadong tanong ni Zyren sa naka-duty na nurse sa front desk ng isang hospital.
"Sandali lang ho at iche-check ko," anito saka agad na tiningnan sa computer kung nasa record ang pangalan. "Ma'am, nasa emergency room po ang pasyente," pahabol nitong sabi pagkatapos makita na nasa record ang pangalan ng pasyente.
"Maraming salamat po," ani Zyren. Pagkatapos magpasalamat ay tumalikod na siya't mabilis na tinungo kung nasaan naroon ang kapatid. Halos nangingnig na ang buong katawan niya dahil sa sobrang kaba matapos mabalitaan ang nangyari sa kanyang kapatid. Kanina, habang malungkot na nagmumuni-muni ay may bigla na lang tumawag sa kanya at sinabi naisinugod raw sa ospital ang kapatid dahil sa nabangga raw ang sinasakyan nitong taxi. Hindi na siya n
