INABOT ng dalawang araw ang chocolate cake sa fridge. Hindi ko alam kung napapansin ni Matthew na hindi ko pa iyon ginagalaw, pero hindi naman kasi siya nagtatanong. At dahil nahihiya akong maabutan pa niya ang cake, inilabas ko iyon at sinimulang kainin.
Bagong bake shop ang binilhan niya at hindi ko masyadong bet ang chocolate cake ng mga ito, pero pinilit ko pa ring ubusin. Akala ko ay okay naman, pero wala pang thirty minutes na nabusog ako ay isinuka ko rin lahat ng kinain. Narinig ako ni Matthew na noo'y nasa study table lang niya. Pinuntahan niya ako sa banyo at inalam ang nangyayari sa akin.
“Kinain ko kasi ang cake na pasalubong mo noong isang araw.”
“What? Bakit kinain mo pa? Baka sira na ‘yon! Itatapon ko na nga sana kanina, nawala lang sa isip ko.”
Hindi ako nakakibo. Nag
