Halos paliparin ni Gideon ang sinasakyan nila. Kumapit na lang siya sa takot at hinayaan ito sa gusto nito. Siya ang may kasalan kaya dapat lang na siya ang umintindi sa nobyo. Hindi naman siguro sila maaaksidente.
Sinulayapan niya ito habang nagmamaneho, nasa kalsada ang buong atensyon nito. Mabalasik din ang gwapong mukha ni Gideon. Napakagat labi siya sa takot. Kung bakit naman kasi nasundan pa siya ng Erika hanggang San Sebastian.
Wala na rin naman dahilan pa para hindi niya aminin kay Gideon ang totoo, malalaman at malalaman rin naman nito ang nangyari sa kanya sa San Rafael. Hindi niya habang buhay na maitatago ang ganoong bagay. Kaya mabuti na ring habang maaga pa at hindi pa ganoon kalalim ang relasyon nila ay aminin na niya ang bagay na kinatatakutan niya kay Gideon. Kung tangga
