Napapakamot nalang sa ulo niya si Saimon kapag napapatingin sa dalawa niyang kapatid na mukhang nasasarapan sa mainit na kape at tinapay na inihayin ng Ina ni Peri. Lalo na kapag bumabanggit ng mga kung ano-ano ang kanyang Kuya Saithon ng tungkol sa kaharian nila. Napapasabat siya pero ano pa bang magagawa niya, tuloy-tuloy lamang ito sa pagkukwento.
Ang Ama naman ni Peri ay tila aliw na aliw sa mga kwento ng kanyang Kuya Saithon. Samantalang ang kanyang Kuya Saifron naman ay walang tigil sa pagnguya ng tinapay. Mukhang sarap na sarap ito doon,sabagay masarap naman ang kababayan.
Iyon ang tawag dito ni Peri kapag bumibili silang magkasama doon sa kabilang kanto. Masarap naman talaga ang tinapay na iyon lalo na iyong mainit pa ito at medyo malutong ang pagkakaluto.
Palagi silang m
