Naging magkasundo agad ni Cayden at ang kaniyang bagong tagapag alaga na si Lileth. Mabait ito at masunurin. Sa unang araw palang nito sa kanila ay magaan na ang loob ni Lara rito. Napag alaman niyang si Lileth pala ay apo ng mayordoma nila Draco at ang mga magulang nito ay naninilbihan din sa pamilya ng mga Frio.
"Ate, ang ganda mo!" humahangang papuri ni Lileth nang makita siya na bumababa ng hagdan at bihis na bihis.
Ngumiti siya rito. "Salamat!" aniya.
Araw ng Lunes ngayon, ito ang araw na napag usapan nila ni Draco na susunduin siya nito para sa kaniyang job interview.
Corporate attire ang napili niyang suutin mula sa mga damit niya na nasa cabinet. White ruffle blouse na pinatungan ng gray suits at binagayan ng gray pencil skirt na lumagpas sa tuhod ang haba. Lalong na-emphasize
