"La, aalis po ako ngayong umaga para mag-grocery ng iilang supply natin dito sa bahay pero saglit lang po ako. Babalik po kaagad ako." sabi ko.
Tumango siya. "Sige, ingat ka, Jasing."
Kahit kailan hindi naman niya ako nagawang pagbawalan kapag magpapaalam ako na aalis ako. Mula pa man no'ng nag-aaral ako, hindi niya ako pinaghigpitan kasi malaki ang tiwala niya sa akin at alam niyang hindi naman ako gagawa ng kahit na anong bagay na makakasira sa tiwala niya, sa tiwala nila sa akin ni papa. Nagmana yata ako kay lola at kay mama ko, good girl!
"Opo."
Nang matapos kaming kumain, inalalayan ko na s'ya papuntang sala para manuod ng tv na siyang tanging libangan niya rito sa bahay maliban sa pagtulog. Naghugas na rin ako ng mga kinainan namin saka naligo na at nag-ayos para sa pag-alis ko.
