Hindi ako pumayag na ibenta ni Tita Cora ang mga ari-arian niya dito sa Nueva Ecija para lamang sa akin. Hindi na mahalaga kung anuman ang sasabihin sa akin ng mga tao sa paligid ko. Dahil alam ko naman na hindi lahat ng tao ay perpekto. Ang tanging mahalaga lang sa akin ay tanggap ako ng pamilya ko at pinatawad nila ako sa kamalian na ginawa ko.
Pumasok pa rin ako sa university kahit na apat na buwan na akong buntis. Sa ngayon fourth year college na ako huling taon ko na sa kurso. Hindi naman ako iniwan ng mga kaibigan ko na sina Gyneth at Rosie.
Natuloy naman si Vlad sa pag-aaral sa America at uuwi daw ito sa susunod na taon kasama ang nakakatanda nitong kapatid. Nangako ako kay Vlad na kahit na ano pa ang mangyari ipagpatuloy ko ang pag-aaral ko. Gagawin ko iyon hindi na para sa aking
