HINDI ko napansin na naging busy ako nitong ilang araw. Isang linggo na rin pala na hindi kami nagkikita ni Warren. Wala pa naman siyang sinasabi sa akin na nakauwi na siya sa apartment niya. Hindi ko na rin nasasagot ang mga text messages at tawag niya.
Araw ngayon ng sabado at nagpasya akong magtungo sa apartment ni Warren. Nasa akin naman ang duplicate ng susi nito kaya makakapasok ako sa loob at makakapaglinis na rin ng tinutuluyan nito.
Pagbukas ko ng pinto ay nakita ko si Warren na nakahandusay sa sahig na may hawak na bote ng alak.
Mukhang lasing na lasing ito. Isinara ko ang pinto at ibinaba ko ang bag ko sa may sofa.
"Mahal, bakit ka ba naglasing?" nag-aalalang tanong ko sa kanya.
Tinapik ko ang pisngi niya ngunit hindi pa rin siya nagigising. Pinilit kong buhatin siya patung
