"Nayyyyyy!!!" malakas kong sigaw nang makita kong tinulak ni Senyora Venice ang Nanay ko na may hawak na kawali. Natumba si Nanay at umiiyak na humandusay sa sahig habang sapo ang mukhang hindi ko alam kung tumama ba sa hawak niyang kawali o baka dahil sinampal siya ng malupit na senyora.
Mabuti at walang laman na kung ano ang kawali. Hindi ko alam ang mangyayari kung may laman itong mainit na ulam o kung ano. Lapnos ang balat ni Nanay at hindi ko mapapatawad si Senyora Venice kapag ganoon ang nangyari sa aking ina.
Gulat na lumingon sa akin si Senyora Venice at kaagad na lumayo sa aking ina na balak pa yatang saktan ang aking ina kung hindi lang ako dumating. Nakaumang kasi ang kanyang hita at malamang plano niyang patikimin ng tadyak ang Nanay ko.
Ang sama niya! Akala ko pa naman sobr
