AGATHA
Very accommodating si Mommy Liegh at talagang asikaso kami nang pamilya ko habang nasa harap ng mesa. Napapansin ko na kanina pa panay ang sulyap niya sa orasan at sa tingin ko ay hinihintay ang mga kapatid ni Draven.
Si Daddy Declan naman ay kausap ang tatay ko. Magkatabi sila at mukhang may importanteng pinag-uusapan. Hindi ko kasi marinig dahil malaki ang agwat ng upuan namin sa kanila, pero pinag-aaralan ko ang kilos at bawat pagbuka ng bibig nilang dalawa.
"Wala pa ba sina Drake at Drew?" kunot ang noo na tanong ni Daddy Declan kay Mommy Liegh.
Mabagal na umiling lamang ang ulo ni Mommy Liegh kasabay ng maikling 'no' at muling tumingin sa suot na orasan sa braso. Bumaling si Daddy Declan kay Draven at inutusan itong tawagan na sina Drew at Drake.
"Tawagan mo nga ang mga ka
