SOFIA
Wala akong nagawa kung ‘di gamutin sa medical room si Chase. May CCTV camera dito, kaya siguradong nakikita kami ng mga magulang ko, kung gusto nilang mapanood kung ano ang nangyayari dito sa loob, habang ginagamot ko ang mga pasa sa mukha at katawan ni Chase.
Pumutok ang kaniyang mga labi at kilay. Daig pa niya ang lumaban at natalo sa boxing match sa dami ng tinamong pinsala. Maga rin ang mata at ilong ni Chase. May pasa pa siya sa pisngi, balikat at dibdib na ngayon ay visible na dahil maputi siya.
“Ouch,” mahinang daing ni Chase nang idiin ko ang bulak na hawak ko habang nililinisan ang mga pasa at galos sa kaniyang braso.
Napa-iling na lang tuloy ako dahil hindi maikakaila kung paano siya nabugbog ng mga magulang ko, kaya marami siyang mga pasa at sugat.
“Mukha ka na tuloy
