SOFIA
“What's going on, Chase?” malakas ang kabog ng dibdib na tanong ko sa kaniya matapos niyang pirmahan ang papel na inabot sa amin ng lalaking ipinakilala niyang judge sa akin.
"Oh my God, Sofie! Kasal mo pala ngayon, hindi ka man lang nagsabi sa akin kanina!” Narinig kong malakas na bulalas ni Joylyn sa tabi ko.
Pumikit ako at humugot ng isang malalim na buntong-hininga. Wala sa usapan naming dalawa ni Chase ang tungkol sa kasal na ito at lalong wala ito sa plano ko.
“Please sign it, honey,” malambing na pakiusap ni Chase sa akin.
Inabot niya sa akin ang papel na hawak. Nanginig ang mga kamay na kinuha ko ito at binasa kung ano ang nakasulat dito.
Damn! Marriage contract nga.
Tama naman ang pangalan ko na nakasulat dito, pati na rin ang middle initial ko.
Tama nga ang hinal
