Mukhang limited ang kilos ng may-ari ng bar at sa tingin ko ay aware siya sa illegal activities ng grupo ni Primo, kaya malayo ang posisyon ng mga CCTV camera para protektahan ang negosyo niya dahil malakas ang hinala ko na kasabwat rin siya ng lalaking ini-imbestigahan ko ngayon.
Binuksan ko ulit ang glove compartment at kinuha ang envelope na hinanda ko para ipakita kay Liberty.
Isa-isang inilabas ko ang mga larawan ng mga lalaking kasama ni Primo ng gabing nilagyan niya ng dróga ang inumin ko at pagkatapos ay agad na binigay ko ito kay Liberty.
“Kilala mo ba sila?” seryoso at walang kangiti-ngiti na tanong ko kay Liberty.
Inabot niya ang ilang piraso ng larawang hawak ko at isa-isang tiningnan.
“Opo, mga kasamahan sila ni Primo. Sila rin ang kasa-kasama niya kapag pumupunta sa bar
