Lorena
Mga sumunod na araw, pagpasok namin sa canteen ay bumungad na naman sa amin ang isa sa mga pangkaraniwan nang nangyayari sa lugar na ito. Away at rambulan.
"Kurdapya! Kurdapya! Kurdapya!"
"Bulali! Bulali! Bulali!"
"Tahong! Tahong! Tahong!"
"Dugong! Dugong! Dugong!"
Nangingibabaw na naman sa buong sulok ng canteen na ito ang pagtsi-cheer ng mga preso para sa kani-kanilang mga manok. Para bang may sabong na nagaganap ngayon at may mga kanya-kanya silang pustahan.
Sa gitna naman ng nakahilerang mga mesa ay may apat na mga babaeng nagbabasagan na ng mga mukha. Nagkalat na ang mga tray sa sahig pati na rin ang mga pagkain.
"Hey! Tigiiiill!!!"
Mabilis na nagsi-pasok dito sa loob ang limang security officer na mga lalaki at babae, isa sa kanila si PJ. Kaagad nilang nilapitan ang
