Lorna
Bigla akong napalabas mula sa silyang kinauupuan ko at nagtungo sa gitna ng hallway kung saan masasalubong ko si Lorena.
Ngunit nakatulala lang siya habang nakatitig dito sa unahan kung saan naroroon naman ang kabaong na kinahihimlayan ni Tatay. Mas lalo pang nawalan ngayon ng buhay ang mga mata niya, bukod pa sa pangingitim ng mga ito.
Mas humumpak din ngayon ang pisngi niya dahil sa pangangayayat niya.
Huminto siya sa harapan ko nang tuluyan na siyang makalapit sa akin. Nagsalubong din ang mga mata naming dalawa ngunit nananatiling blangko ang sa kanya.
Hanggang sa tuluyan na niya akong lampasan at nilapitan ang kinahihimlayan ni Tatay. Huminto na rin naman sa pagsunod sa kanya sila kuya Liam at Tanner.
Nilingon ko siya at dahan-dahang nilapitan. Kasalukuyan na siya ngayon
