“Sandali!” sigaw ko mula sa kwarto nang tawagin ako ni inay.
Ilang beses na niya akong tinatawag at pinapamadali dahil gustong-gusto na niyang lumabas at pumunta sa mall. Sabik na sabik siyang pumili ng magandang damit na susuotin para sa dinner kasama ang mga magulang ni Sul. Gusto ko sanang isama si Maya at nang mag-bonding naman kaming tatlo, pero nasa trabaho siya. Sinabi niya sa akin na wala siyang balak na mag-day off dahil sinusulit niya ang kaonting panahon na mayroon siya para makapag-ipon ng pera. Hinayaan ko na lang dahil mukhang nag-e-enjoy naman siya sa ginagawa niya.
Pagkababa ko ay sinalubong ako ng nakakunot na noo ni inay. “Ang tagal mo naman, Gina. Kanina pa ako rito. Hulas na ang make-up ko,” angal niya at umiling-iling pa. Nanlaki ang mga mata ko nang makita ko ang hi
