Ang dalawang linggong leave ni Sir Brent ay na-extend pa. Dahil doon ay walang ibang choice si Sir Max kundi ang mamalagi rito sa shop lalo na't walang papalit kay Sir Brent. Ayaw niya rin kasing maghanap ng bagong empleyado dahil babalik pa naman daw si Sir Brent. Siya na lang daw muna ang sasalo sa trabaho nito. Dahil doon ay palagi ko na siyang kasama.
At sa bawat araw na lumilipas na magkasama kami ni Sir Max ay mas ramdam kong napapalapit ako sa kanya. Pilit ko mang pigilan ang sarili ko pero hindi ko magawa.
Magtatatlong linggo na kaming magkasama at nagiging komportable na kami sa isa't isa. Hindi ko nga lubos akalain na ang gaan niya palang kasama. Kaya ang resulta ay mas nahulog ako sa kanya.
Sa tingin ko ay hindi na lang basta-bastang crush ang nararamdaman ko para sa kanya. F
