PAGKATAPOS ng tatlong oras na rehearsal ay nilinis nila ng pool at nilagyan ng tubig. Napawi ang lungkot ni Malia dahil sa ideya ni Andrew na mag-camping sila roon sa hardin. Mabuti na lang hindi nadala ni Simon ang tent nito. Itinayo nila ang tent sa lilim ng puno ng mangga.
Nang mapuno ng tubig ang pool ay lumusong na siya suot lang ang ternong pulang underwear. Nag-ihaw ng buong manok si Andrew para pulutan nila. Bumili pa ito ng beer. Wala namang problema sa kaniya kahit malasing dahil doon lang naman sa bahay.
“Halika na rito, Andrew!” yaya niya sa binata.
Hanggang leeg lang naman niya ang tubig. Maligamgam ang tubig kaya lalo siyang ganadong mababad dito.
“Wait lang! Malapit nang maluto itong manok!” pasigaw nitong tugon.
“Baka mapasma ka,” aniya.
“Hindi naman. Malayo ako sa a
