MUKHA ni Melanie ang namulatan ni Malia. Kumurap-kurap siya at pilit inaalala ang nangyari.
“Kumusta ang pakiramdam mo, Ate?” tanong ni Melanie.
“Okay lang ako,” aniya, kumilos at bumangon. Nasa kuwarto na siya.
“Ano ba kasi ang nangyari? Nadatnan na lang kitang walang malay sa laundry room,” palatak nito.
Naalala niya ang nakita niyang bulto ng babae sa salamin. Imposibleng nagmalikmata lang siya. Maliwanag sa laundry room.
“May nakita akong babae,” aniya.
“Sinong babae?”
“Sa laundry room.”
“Eh? Huwag ka ngang magbiro ng ganiyan, Ate! Tinatakot mo ako, eh!”
“Hindi ako nagbibiro. Nakita ko siya na nakatayo sa gilid ng washing machine.”
“Hm. Hindi ‘yan totoo! Hallucination mo lang ‘yon!” giit nito.
“Sana nga.” Saka niya naalala na may hawig ang babaeng nakita niya noong nakita ri
