NAGTAKA si Evelyn nang pumasok siya sa opisina at makita ang tingin sa kaniya ng mga empleyado. Iba ang tingin ng mga ito sa kaniya na para bang nakagawa siya ng isang malaking kasalanan. At parang iniiwasan pa siya ng mga ito.
But one thing that caught her attention. Ang usapan ng dalawang empleyada ng pumunta siya sa comfort room. Hindi siya lumabas hangga’t hindi sila ang naunang lumabas.
“Hindi ko ine-expect na gagawin ‘yon ni Evelyn ‘no.”
“Oo nga. Hindi ko rin inaasahan. May asawa na siya pero naki-kabit pa siya sa may asawa. And worst ang Boss pa natin.”
“Pero sino ba naman ang aayaw kung bibigyan ka ng maraming pera. Praktikal na ang buhay ngayon.”
Nagtataka si Evelyn dahil hindi niya maintindihan ang mga ito. They were obviously talking about her. Pero ano ang sinasabi ng mga
