“Succes! Hindi ako ginisa ni Prof. Malupit kanina!” malakas niyang sabi sa amin. “Grabe ang kaba ko kanina!”
Napatingin kami sa kanya na napapatalon pa habang naglalakad. Papunta na kami sa private canteen kung saan aircon ang paligid iyon nga lang ay mahal ang bilihin.
“Gaga, nabulol ka naman!” sabat ni Jio.
Nag-uumpisa na naman silang mag-away na dalawa.
“Kahit na! At least, naitawid ko pa rin ang reporting ko at nasagot ang mga tanong niya sa akin. Akala niya siguro ay hindi na naman ako prepared katulad ng dati. Like duh, napahiya na niya ako one time kaya hindi na uulit iyon!” nakangising sabi ni Francine sa amin kaya natawa kami sa kanya.
“By the way, alam mo na ba ang tungkol dito, Frances? May performance raw ang Starlight dito sa campus! I donʼt know lang kung kailan!” naka
