MALAYO pa lamang ang asawang si Lorenzo ay naririnig na niya ang malakas nitong boses. Naningkit ang kanyang mga mata ng ito ay makalapit. Gusto niya itong sigawan kung bakit parang ito pa ang may ganang magalit.
“Iwanan nyo muna kaming dalawa!” utos nito sa kanyang mga bodyguard. Subalit nananatili lamang ang mga ito sa kanilang pwesto. “Hindi ba kayo nakakarinig sa sinasabi ko?”
“Pasensya na Master Lorenzo, pero si Senorita Elizabeth lamang ang pwedeng mag-bigay ng utos sa aming lima.”
“Ako ang kumuha sa inyo upang magtrabaho sa asawa ko bakit hindi ako maaaring mag-utos sa inyo?”
“Tama po, Master Lorenzo, pero magmula ng araw na magsimula kaming magtrabaho sa kanya ay siya lang ang nag-iisang taong aming susundin. At sa palagay ko naman ay nakalagay sa kontratang pinirmahan namin yo
