Mahigit isang linggo na ang nakaraan simula noong magbakasiyon sila mula sa trabaho. Isang linggo na ring nakakulong lang ang dalaga sa kanyang maliit na apartment at paminsan-minsan na dumadalaw sa mga bata sa Tondo. Hindi naman na niya naabutan si Luke tuwing dumadalaw ito sa lugar. Marahil ay abala na rin ito sa pagdiriwang ng pasko kasama ang pamilya kagaya nang mga katrabaho niya.
Hindi naman niya maiwasang malungkot sa kalagayan niya. Mag-isa sa espesyal na pagdiriwang ng taon- ang kapanganakan ng Tagapagligtas. Sa kalagitnaan ng kanyang pagmumuni-muni ay biglang tumunog ang kanyang selpon na naghuhudyat ng kararating na bagong mensahe.
“Sisteret advance Merry Christmas para bukas. I’m so happy na pinupuri na rin ako ng mga parents ko. They were so happy with my culturally inclined
